Украина қуролли кучлари ATACMS ёрдамида Луганск областидаги РФ полигонига зарба берди

Украина манбалари Россия полигонига Америка кассетали ракеталари билан берилган зарба акс этган видеони чоп этди. Очиқ манбалар бўйича тадқиқотчиларнинг маълумотларига кўра, ҳужум Рогово қишлоғи яқинида содир бўлган. Ҳозирча Россия Мудофаа вазирлиги ушбу видеога изоҳ бермади.

“Афтидан, Украина Луганск, Кубан яқинида навбатдаги ATACMS зарбасини амалга оширди. Ҳаракат соат 03:50 да бошланди. Муваффақиятсиз уриниш ва бир дақиқа ичида 3 та нишоннинг урилиши”, – деб ёзади видеони GeoConfirmed кўнгиллиси JB Schneider, у видеони Х ижтимоий тармоғида нашр этган. Кубан – бу Луганск областидаги қишлоқ.