Украинада асирга олинган УҚК аскарларининг янги қатл этилишини текширмоқда

Украина Бош прокуратураси ижтимоий тармоқларда Донецк области Бахмут туманида рус аскарлари томонидан қуролсиз украиналик ҳарбий асирларнинг қатл этилгани акс этган видеонинг эълон қилиниши юзасидан текширув бошлади. Олий Раданинг инсон ҳуқуқлари бўйича комиссари Дмитрий Лубинетснинг айтишича, 24 февраль куни камида етти нафар украиналик аскар ўлдирилган. Украинанинг DeepState лойиҳаси тўққиз киши отиб ташланганини хабар қилмоқда.

Бу бир ой ичида биринчи бундай ҳодиса эмас. Феврал ойи бошида Телеграм каналларида россиялик аскарлар Украина Қуролли кучларининг қуролсиз асирга олинган аскарларини отиб ўлдиргани ҳақидаги видеолар эълон қилинган эди. Украина томони ҳам ушбу ҳолатлар бўйича терговни бошлади.

Умуман олганда, Украина Бош прокуратураси маълумотларига кўра, ҳозирда мамлакатда 19 та жиноий иш очилган бўлиб, улар доирасида 45 нафар украиналик ҳарбий асирнинг ўлдирилиши бўйича тергов ҳаракатлари олиб борилмоқда.