Украинанинг Қозоғистондаги собиқ элчисига нисбатан жиноят иши очилди

Москванинг Басманний суди Украинанинг Қозоғистондаги собиқ элчиси Пётр Врублевскийни адоват ёки душманлик ҳиссини қўзғатишда айиблаб, унга нисбатан жинояти иши қўзғатган. 2022 йилда у Киев имкон қадар кўпроқ россияликларни ўлдиришга ҳаракат қилаётганини айтган эди. Украиналик дипломат федерал ва халқаро қидирувга ҳам берилган.

“Суд терговнинг Украина фуқаросига нисбатан икки ойга қамоққа олиш тарзидаги эҳтиёт чорасини қўллаш ҳақидаги илтимосини қаноатлантирди. Муддат Россия ҳудудига экстрадиция қилинган пайтдан бошлаб ёки Россия Федерациясида ҳибсга олинган пайтдан бошлаб ҳисобланади”, – дейди ТАСС агентлигининг ҳуқуқ-тартибот идораларидаги манбаси.

Москва Басманний суди маълумотларига кўра, ҳибсга олиш тўғрисидаги қарор устидан шикоят қилинмаган. Тинтув ҳақидаги маълумотлар Ички ишлар вазирлигининг қидирув маълумотлар базасида мавжуд. Ҳуқуқ-тартибот идоралари ва суд эса жиноий иш тафсилотларига аниқлик киритмаяпти. ТАСС хабарига кўра, иш РФ ЖК 282 моддасининг 2-қисмининг «а» бандига (нафрат ёки адоватни қўзғатиш, шунингдек инсон қадр-қимматини камситиш) биноан бошланган.