Валенсия шаҳар қабристонларида қуёш панелларини жойлаштиришни режалаштирмоқда

Испаниянинг Валенсия шаҳрида қабристонларига қуёш панелларини ўрнатиш режалаштирилмоқда. Лойиҳа «Requiem in Power» – «энергетикада абадий уйқу» деб номланган.

Шаҳар қабристонларига умумий қуввати йилига 440 минг киловаттдан ортиқ бўлган 6658 та қуёш батареяси ўрнатилади. Шаҳар яқинидаги учта қабристонга 810 та қуёш батареяси ўрнатилди.

Маҳаллий кенгаш маълумотларига кўра, бу йилига 140 тоннадан ортиқ карбонат ангидридни тежаш имконини беради. Олинган энергияга келсак, у асосан шаҳар биноларини энергия билан таъминлаш учун ишлатилади. Энергиянинг 25% шаҳардаги 1000 та энг заиф уй хўжаликларига берилади.

Валенсия шаҳар кенгашининг иқлим соҳасида фавқулодда вазиятлар ва энергия алмашинуви бўйича вакили Алехандро Рамоннинг сўзларига кўра, лойиҳа мамлакатдаги энг йирик қуёш фермаси бўлади.

RIP кенгроқ “Валенсия 2030” иқлим миссиясининг бир қисми ҳисобланади, бу шаҳарнинг 2024 йилда Европанинг яшил пойтахти сифатида танланишининг асосий сабабларидан бири.

Иқлим миссиясининг узоқ муддатли мақсади шаҳар энергиясининг 27 фоизини қайта тикланадиган манбалардан ишлаб чиқаришдир.

2030 йилга келиб, ишлаб чиқарилган тоза энергиянинг 100 фоизи шаҳар инфратузилмаси ва жамоат биноларида ишлатилади. Ёритиш учун фақат диодли лампалардан фойдаланиш режалаштирилган.

Requiem in Power – бу Испаниядаги энг йирик қуёш энергияси лойиҳасига айланадиган улкан дастурнинг бир қисми.

Шаҳарнинг ўзи 2025 йилда Испаниянинг яшил пойтахтига айланишга даъвогарлик  қилмоқда.