Венгрия бош вазири Орбан уруш бошланганидан буён биринчи марта Украинага келади
Венгрия ҳукумати раҳбари Виктор Орбан 2 июль куни Киевга ташриф билан келади, бу Россия қўшинлари Украинага тўлиқ кўламда бостириб кирганидан кейинги биринчиси бўлади, деб ёзади Financial Times. Таъкидланишича, Орбан Венгриянинг Евроиттифоқда раислик қилиш навбати келганидан кейин кўп ўтмай Украинага келмоқда.
Евроиттифоқ ва НАТО мамлакатлари етакчилари орасида Орбан Украинага ҳарбий ёрдамни энг кўп танқид қилган, шунингдек, унинг Евроиттифоққа қўшилиши ҳақида музокаралар бошлашни ҳам дарҳол қўллаб-қувватламаган.
Бундан ташқари, Орбан уруш бошланганидан кейин Россия президенти Владимир Путин билан учрашган саноқли чет мамлакатлар етакчилари сафига ҳам кирган.
Орбандан ташқари, Евроиттифоқ мамлакатлари етакчиларининг деярли барчаси уруш бошланганидан кейин Киевга ташриф буюрган.
Украина президенти Владимир Зеленский Орбанни бир неча марта таклиф қилган, аммо Венгрия ҳукуматининг вакиллари Киевга келган бўлса-да, бош вазирнинг ўзи келмаган.
If you have found a spelling error, please, notify us by selecting that text and pressing Ctrl+Enter.
Тавсиялар
Лукашенко 2020 йилда интернетни ўчириб қўйганини тан олди
Украинани ҳимоя қилишда ҳалок бўлганларнинг оилаларига тўланадиган тўловлар 15 миллион гривнага кўтарилади
Жисмоний шахсларга давлат ҳисобидан юридик ёрдам кўрсатилади
Ҳайдовчи қуёш кўзини қамаштиргани сабабли пиёдани кўрмай қолган натижада ЙТҲ содир бўлди
Тошкентда тўрт миллиондан ортиқ петарда ва пиротехника йўқ қилинди
USD
EUR
RUB
Шарҳлар