Мобилизацияни кучайтириш бўйича Олий Радада мунозара қизимоқда: Залужний нимага қарши

Украина Қуролли кучлари бош қўмондони ҳар бир чақирилувчига 80 кунлик машғулотлар бўлишини айтди, деб ёзяпти UNIAN нашри.

Украинада 2024 йилги сафарбарлик давом этмоқда ва 4 январь, пайшанба куни Олий Раданинг Миллий хавфсизлик, мудофаа ва разведка бўйича қўмитаси йиғилишида сафарбарлик чораларини кучайтириш кўзда тутилган қонун лойиҳаси биринчи марта муҳокама қилинган.

«Украина Қуролли кучлари бош қўмондони Валерий Залужний судланган ёки маҳкумларни давлат ҳимоячилари сафига киритилишига қарши чиқди, деб хабар берган NV нашри ўз манбааларига таяниб. «У (Украина Қуролли Кучлари Бош қўмондони – Таҳр.) асирлар ва жиноятчиларни армияга жалб қилиш ҳақидаги қоидага қарши чиқган. Залужний: «Армия ёмон одамлар учунми? Бу ундай эмас», – дея таъкидлашган журналистлар. 

Уларнинг сўзларига кўра, Залужний, шунингдек, унга одамлар кераклигини билдирган, чунки «руслар аллақачон 400 минг аскарни чорлаган ва июнь учун яна бир неча юз минг аскарларини тайёрламоқдалар». «Ким билан жанг қилишим керак? Ё халқга юзланиб, одамларни сўранг ёки бўлмаса жангга боринг… Ҳар бир чақирилувчи учун 80 кунлик машғулот бўлади. Лекин менга одамлар жуда зарур», – деган манбаа, бош қўмондоннинг сўзларидан иқтибос келтириб.

2024 йилда сафарбарлик давом этмоқда – Украина диққат марказида

UNIAN нашрига кўра, бироз аввал Украина Қуролли Кучларининг захирадаги полковниги Олег Жданов асирларни армия сафига жалб қилиш керакми, деган саволга жавоб берганлигини ёзмоқда.

Унинг фикрича, «армияга жиноятчи нима учун кераклигини, унинг жанговар тажрибаси бор-йўқлигини ва қанчалик оғир жиноят содир этганини тушуниш ҳар доим муҳим». Мутахассиснинг таъкидлашича, кейинчалик қотиллар, зўравонлар ва такрорий жиноятчилар Қуролли Кучлар сафига тушиб қолмаслиги ва Россия Федерациясидаги каби муаммолар юзага келмаслиги учун буни ҳал қилиш кераклигини таъкидлаган.