Япония АҚШ учун қурол ишлаб чиқаради

АҚШ ва Япония Украинани қўллаб-қувватлашни кенгайтириш механизмини муҳокама қилмоқда, деб ёзади Япониянинг Yomiuri газетаси. Нашрнинг ёзишича, томонлар Японияда қурол ишлаб чиқаришни кенгайтиришни режалаштирмоқда.

Япония конституцияси қурол экспортини тақиқлайди, бироқ ҳукумат яқинда лицензия бўйича ишлаб чиқарилган қуролларни унинг келиб чиқиш мамлакатига сотишга рухсат берувчи қарорни қабул қилди. Ушбу дастур доирасида Японияда ишлаб чиқарилган Patriot ракеталари Украинага берилган заҳирани тўлдириш учун АҚШга етказиб берилди.

Эҳтимол, Украинага қурол етказиб беришни қоплаш учун ЯпониядаАҚШ учун ишлаб чиқарадиган қурол-яроғ турларини сезиларли даражада кенгайтириш режалари бўлиши мумкин.

Япония Америка кемалари ва F-35 самолётларини таъмирлашни ҳам ўз зиммасига олишга тайёр.

Украиналик учувчилар октябрь ойи ўрталарида Аризона штатининг Тусон шаҳридаги 162-қирувчи қанотда машғулотларни бошлагани ҳақида аввал хабар берган эдик.