Европа Иттифоқи ой охиригача Украинага 1,9 миллиард евро миқдорида молиявий ёрдам беради

Июнь ойида Европа Иттифоқи Украинага “Украина Фаcилитй” дастури доирасида 1,9 миллиард евро молиявий ёрдам ажратади. Бу ҳақда Еврокомиссия раҳбари Урсула фон де Ляйен Берлиндаги Украинани тиклаш бўйича конференцияда маълум қилди, деб ёзади “Европейская Правда”.

Унинг сўзларига кўра, маблағ ой охиригача ажратилади.

“Бугун мен шу ойнинг охиригача Украинага Украинани молиялаштириш фондимиздан қўшимча 1,9 миллиард евро тақдим этишимизни эълон қилишим мумкин. Бу Украина маъқуллаган кенг қамровли ислоҳот ва инвестиция стратегияси билан боғлиқ. У “Украина режаси” деб аталади. “Украина режаси, масалан, адлия соҳасини ислоҳ қилиш ва коррупцияга қарши ислоҳотларни ўз ичига олади”, – деган фон дер Ляйен.

“Украина режаси” Украинани бизнес ва инвесторлар учун жозибадор қилишга асос бўлиб, Украинани Европа Иттифоқига яқинлаштиради, дея қўшимча қилгани у.