Зеленский: Россия асирлигидан яна 49 нафар украиналик қайтди

Аввалроқ Россияда асирликда бўлган 49 нафар ҳарбий хизматчи ва тинч аҳоли Украинага қайтди. Бу ҳақда Украина президенти Владимир Зеленский ўзининг Телеграм-каналида маълум қилди.

“Булар Украина Қуролли Кучлари, Миллий гвардия, Миллий полиция, Давлат чегара хизмати аскарлари, хусусан, Ление Умерова – касал отасига ғамхўрлик қилиш учун борганида россияликлар томонидан гаровга олинган қиз”, – дейди Зеленский.

Унинг қўшимча қилишича, озод этилганлар орасида “Азовсталь” ҳимоячилари, хусусан, аввалроқ Украина Қаҳрамони унвони билан тақдирланган ҳарбий шифокор Виктор Ивчук ҳам бор.

2023 йил декабрь ойида 25 ёшли Ления Умерова касал отасини кўриш учун Киевдан Қримга кетаётганди. У Грузия билан чегарадаги “Верхний Ларс” назорат-ўтказиш пунктида маъмурий қамоққа олинган, шу йилнинг май ойида эса жосусликда айбланиб, ҳибсга олинган эди, дея эслайди “Медуза”. Зеленскийнинг хабарида Умерова қандай шароитда қўйиб юборилганига аниқлик киритилмаган. Россия суди томонидан унга ҳукм чиқарилгани ҳақида ҳам маълумот йўқ.

Россия ушбу маълумот чоп этилган пайтга алмашинув ҳақида хабар бермаган. Шунингдек, россиялик асирлар ватанига қайтган-қайтмагани ҳам номаълум. Айни пайтда, Зеленскийнинг сўзларидан биз айирбошлаш ҳақиқатан ҳам бўлиб ўтган деган хулосага келишимиз мумкин: Украина президенти давлатнинг “алмашув фонди”ни тўлдирувчи “ҳар бир Украина бўлинмасига” миннатдорчилик билдирди. Уруш тарафдори бўлган россиялик блогер Борис Рожиннинг ёзишича, асирлар алмашинуви “49 га 49” форматида бўлиб ўтган ва руслар орасида Курск областида асирга олинган ҳарбий хизматчилар ҳам бор.