Жазоирлик боксчи Имон Хелиф у ҳақидаги миш-мишларни тўхтатишни сўради

Боксчи Имон Хелиф Париждаги Олимпиада ўйинларида италиялик Анжела Карини билан жангидан сўнг юзага келган можарога илк бор изоҳ бериб, сукутини бузди. Жазоирлик спортчи зўравонлик ва унинг трансгендер эканлиги ҳақидаги миш-мишларни тарқатишни бас қилишга чақирди.

Бокс мусобақасининг 66 килограммгача бўлган вазн тоифасида 1/8 финал баҳси бор-йўғи 46 сония давом этди. Рақибининг бир нечта тўғридан-тўғри зарбаларини ўтказиб юборган Италия вакили Хелиф билан жангни давом эттиришдан бош тортди ва буни “инсофсизлик” деб атади.

Имон Хелиф, жазоирлик боксчи:

“Мен бутун дунё одамларини Олимпия Хартияси тамойилларига риоя қилишга, спортчиларни ҳақорат қилишдан тийилишга чақираман, чунки бу ёмон оқибатларга олиб келади, жиддий оқибатларга олиб келади. У одамларни йўқ қилиши, фикрларини, руҳини ва ақлини ўлдириши мумкин. Бу бўлинишга олиб келиши мумкин. Шунинг учун мен ҳаммадан зўравонликдан сақланишни сўрайман”.

Жангдан кейин Карини рақиби билан қўл бериб кўришмади, бироқ кейинроқ ўз хатти-ҳаракати учун узр сўради.

2023 йилда Хелиф Халқаро бокс ассоциацияси (ИБА) томонидан ўтказилган ДНК тести туфайли у ва тайванлик боксчи Лин Ютингда  “ХЙ хромосомаси ва тестостерон даражаси кўтарилган”лиги аниқлангани учун Жаҳон чемпионатидан четлаштирилган. Аммо ХОҚ биокимёвий тестларнинг ноаниқ стандартлари ва ИБА бошқарувининг ноаниқлигини таъкидлаб, спортчиларни Олимпиадага олиб чиқди.

Хелиф ўзининг ўтиш даври ҳақидаги даъволарини рад этиб, бу Жазоирда ноқонуний эканлигини таъкидлади. Шунингдек, у Италиянинг жанубидаги Ассизида тез-тез шуғулланганини ва маҳаллий мураббийлар ва спортчилар уни яхши билишини таъкидлади.

Имон Хелиф, жазоирлик боксчи: “Маҳаллий мураббийлар мени ёшлигимдан, терма жамоа учун кураш бошлаганимдан билишади. Италиялик боксчи мени яхши билади. Мен у билан Ассисида рингларда машқ қилганман. Улар менга қарши оммавий ахборот воситаларининг кампаниясидан фойдаланишди, лекин мен ҳали ҳам бу ерда бўлган мақсадимга эришиш учун ҳаракат қиламан”.

Спортчи Жазоир терма жамоасининг аёллар боксидаги илк Олимпиада олтини йўлини давом эттиришга ваъда бериб, кўрсатган қўллаб-қувватлаши учун ХОҚга миннатдорчилик билдирди. Сешанба куни у финал йўлланмаси учун курашиш учун рингга чиқади.