AQSh Afg‘onistonda Qo‘shtepa kanali qurilayotganidan xavotir bildirmoqda

Xalqaro manfaatlar bo‘yicha Amerika markazi Qo‘shtepa kanali qurilishining ehtimoliy halokatli oqibatlari haqida ogohlantirdi, bu Amudaryodan suv oqimining 8-20 foizini boshqa tomonga burib yuboradi. YuNISEF ma’lumotlariga ko‘ra, bu О‘zbekiston qishloq xo‘jaligida 250 ming ish o‘rni yo‘qolishiga va mamlakat yalpi ichki mahsulotining 0,7 foizga qisqarishiga olib kelishi mumkin.

Mutaxassislarning fikricha, endi qurilishni to‘xtatish mumkin emas. Xalqaro hamjamiyat Tolibon hukumatini zararni minimallashtirish uchun kanal qurishda zamonaviy texnologiyalarni joriy etishga ko‘ndirishga e’tibor qaratishi kerak.

Qurilish jarayonida betonlashning yo‘qligi suvning sezilarli darajada yo‘qotilishiga olib keladi: yuz minglab kub metr suv yerga singib ketib, tuproq sho‘rlanadi va bug‘lanadi. Bu Markaziy Osiyodagi muzliklarning erishi bilan birga mintaqa uchun ekologik, iqtisodiy va ijtimoiy xavflarni kuchaytiradi.

“Qo‘shtepa kanali qurilishini nazorat qilish mintaqaviy falokatning oldini olishning so‘nggi imkoniyatidir”, — deyiladi Xalqaro manfaatlar markazi hisobotida.