Toshkentda markaziy ko‘chalardan birida harakatlanish vaqtinchalik cheklanadi

Toshkentdagi markaziy ko‘chalardan birida transport vositalari harakati qisman cheklanadi, deb xabar bermoqda Toshkent shahar IIBB.

Yakkasaroy tumani Shota Rustaveli — Bobur ko‘chalari chorrahasidan Bobur ko‘chasi bo‘ylab Bobur — Seul, Bobur — Furqat ko‘chalari chorrahasigacha bo‘lgan oraliqda yo‘l qurilish va taʼmirlash ishlari olib borilishi munosabati bilan 15-may kuni soat 22.00 dan boshlab taʼmirlash ishlari tugatilgunga qadar transport vositalari qatnovi qisman bir tomonlama, vaqtincha cheklanadi.

Shu munosabat bilan haydovchilardan yondosh ko‘chalardan harakatlanish so‘rab qolindi.