Moskvada zo‘rlashga urinishda ayblanayotgan o‘zbekistonlik fuqaro hibsga olindi

Moskvaning Taganskiy rayon sudi xiyobonda qizga hujum qilib, zo‘rlashga uringanlikda ayblanayotgan Mansur Xayitovni hibsga oldi. Bu haqda Lenta.ru sud matbuot xizmatiga tayangan holda xabar beradi.

Erkak ikki oy – 26-dekabrga qadar tergov hibsxonasida qoladi. Unga nisbatan Rossiya Federatsiyasi Jinoyat kodeksining 30-moddasi 3-qismi, 131-moddasi 1-qismi (“Zo‘rlashga urinish”), 132-moddasi 1-qismi (“Jinsiy xarakterdagi zo‘ravonlik harakati”) va 161-moddasi 2-qismi «d» bandi (“Hayot yoki sog‘liq uchun xavfli bo‘lmagan zo‘ravonlik qo‘llash yoki bunday zo‘ravonlik tahdidi bilan sodir etilgan talonchilik”) bilan jinoyat ishi qo‘zg‘atilgan.

Voqea 25-oktyabr kuni Moskvadagi  “Proektiruemыy proezd” hududida sodir bo‘lgan. Gumondor o‘zi tanimagan qizga hujum qilib, uning telefonini o‘g‘irlab, zo‘rlashga uringan.