O‘zbekistonda go‘sht narxi keskin oshdi

Statistika agentligining ma’lum qilishicha, O‘zbekistonda 2024-yil avgust oyi yakunlariga ko‘ra inflyatsiya 0,53 foiz darajasida qayd etildi. Bu 2023-yil avgust oyi ko‘rsatkichidan biroz past (-0,01 foiz). Yillik inflyatsiya (2023-yil avgustiga) 10,47 foiz darajasida saqlanib qolgan, yil boshidan (yanvar-avgust) narxlar o‘rtacha 5,47 foizga oshgan.

Oziq-ovqat mahsulotlari narxlari o‘tgan oyda o‘rtacha 0,5 foizga oshdi (to‘rt yil ichida eng past ko‘rsatkich, yillik hisobda — atigi 2,8 foizga o‘sish). Nooziq-ovqat tovarlari 0,7 foiz (8,6%), pulli xizmatlar narxi 0,4 foiz (27,6%)ga ko‘tarildi.

Go‘sht narxi keskin oshdi: mol go‘shti — 5,3 foizga (iyul oyida — 1,5 foizga, iyunda — 0,7 foizga), qo‘y go‘shti — 4,9 foizga (iyul oyida — 1,5 foizga, iyunda — 1 foizga). Respublika bo‘yicha mol go‘shti chakana narxi 1 kg uchun 1000 −12 000 so‘m, qo‘y go‘shti 2000−14 000 so‘m oralig‘ida oshgan. Yil boshidan buyon mol go‘shti 8 foizga, qo‘y go‘shti 8,2 foizga qimmatlashgan.

Tuxum 1,9 foizga (yil davomida — minus 11,7%), kungaboqar yog‘i — 1,9 foizga (-1%), guruch — 0,7 foizga (+3,4%) qimmatlashdi. Un 0,7 foizga (+10,8 foiz), sut 0,2 foizga (+5 foiz), shakar 0,1 foizga (+4,6 foiz) arzonlashdi.

Bir oyda kartoshka 5,5 foiz (yil davomida — 15%), piyoz — 10 foiz (-35,2%), sabzi — 8,9 foiz (-31,6%), bodring — 18,1 foiz (-41,1%)ga keskin qimmatlashdi.

Avgust oyida pomidor 8,5 foizga (-2 foiz), bulg‘or qalampiri 18,9 foizga (-12,8 foiz), baqlajon 20,4 foizga (-31,9 foiz), uzum 27,1 foizga (+25,5 foiz), tarvuz 33,1 foizga (-40,6 foiz) arzonlashdi.

Dori-darmonlar narxi o‘sishda davom etmoqda, avgust oyida u 0,6−1,3 foiz (yil boshidan — 20,8%) oralig‘ida oshdi.

Avgust oyida gaz narxining oshishi qayd etilgan. Propan narxi barcha hududlarda 300 − 1800 so‘m oralig‘ida yuqori bo‘ldi. Hududlar kesimida o‘rtacha narxning o‘sish diapazoni 10,8−29,9 foizni (o‘rtacha 20,2 foiz) tashkil etdi.

Statistika agentligi ma’lumotlariga ko‘ra, metan narxining yuqori chegarasi bekor qilingandan keyin bir oy ichida 4 foizga qimmatlashgan. Ma’lum qilinishicha, benzin aksincha, biroz arzonlashgan (-0,2 foiz).

Bundan tashqari, haydovchilik kurslarida o‘qitish uchun to‘lov miqdori oshgani qayd etildi (o‘rtacha 5,8%). Temiryo‘l chiptalari o‘rtacha 0,6 foizga (+44 foiz), aviachiptalar esa 1 foizga (+5,9 foiz) qimmatlashdi.

Sport zallari va seksiyalariga obunalar bir oyda 1,4 foizga, madaniyat va istirohat bog‘lariga tashrif buyurish 1,3 foizga qimmatlashdi.

Xususiy bog‘chalarda narxlar bir oyda 0,5 foizga (yil davomida — 11% ga) oshdi. Xuddi shu davrda ta’lim kurslarida o‘qitish 1,4 foizga (+13,4 foiz) qimmatlashdi, repetitorlar xizmatlari narxi 1,8 foizga (+3,8 foiz) oshdi.

Qahvaxonalarning narxlari yillik hisobda 11,4 foizga, oshxona va gazakxonalarning narxlari 13,3 foizga, dam olish markazlarining narxlari esa 18,3 foizga oshdi.