Parij-2024: Vardanyan va Assakalov bronza uchun kurashadi

Yunon-rum kurashida sportchimiz Aram Vardanyan bronza medali uchun oʻtish bosqichida muvaffaqiyatli ishtirok etdi.

Hamyurtimiz hozirgina yakunlangan bellashuvda jazoirlik Abdelkrim Oukalini magʻlubiyatga uchratishga erishdi. Endi u -77 kg vazn toifasining sovrindorlar qatoridan joy olish uchun armanistonlik Malxas Amoyan bilan bellashadi.

Shuningdek, “klassik” kurashchimiz Rustam Assakalov (-97 kg) ham kechki dasturda bronza medali uchun kurashish imkoniyatini saqlab qoldi.

Koreya Respublikasi vakili Seong Jun Kim bilan bellashgan polvonimiz ajoyib gʻalabasi bilan Olimpiada medali sari yana bir qadam tashladi. Endi u bu yoʻlda kubalik Gabriel Kindelanga qarshi gilamga chiqadi.