Toshkent viloyati Sog‘liqni saqlash boshqarmasi Chirchiq poliklinikasi bosh shifokorining o‘rinbosari tibbiy xodimni haqorat qilgani aks etgan videoni o‘rganmoqda

Ijtimoiy tarmoqlarda Chirchiq markaziy ko‘p tarmoqli poliklinikasi bosh shifokori o‘rinbosari Nizom Abdullayev tibbiyot xodimini noo‘rin so‘zlar bilan haqoratlayotgani aks etgan video tarqaldi, bu deontologiya va tibbiy etika qoidalariga zid.

O‘zbekiston Sog‘liqni saqlash vazirligi ushbu hodisa joriy yilning 7-iyun kuni ertalabki hisobot yig‘ilishida sodir bo‘lganini ma’lum qildi.

“Ayni paytda viloyat sog‘liqni saqlash boshqarmasi huzurida ishchi guruh tuzilib, vaziyat sinchiklab o‘rganilmoqda. Natijalar bo‘yicha qo‘shimcha ma’lumotlar beriladi”, — deya xulosa qiladi Sog‘liqni saqlash vazirligi.