Ozon omboriga qilingan reyddan so‘ng 45 nafar O‘zbekiston fuqarosi RFdan chiqarib yuboriladi

Moskva viloyatining Pushkin shahrida huquq-tartibot idoralari Ozon omborida keng ko‘lamli reyd o‘tkazdi, natijada 120 nafar noqonuniy migrant qo‘lga olindi.

Huquq-tartibot idoralaridagi manbaga ko‘ra, 11-iyul kuni o‘tkazilgan hujjatlar tekshiruvi natijasida 120 nafar ombor xodimi Rossiyada ruxsatsiz bo‘lganligi aniqlangan.

Hibsga olinganlar orasida:

– 45 nafar O‘zbekiston fuqarolari;
– 29 nafar Tojikiston fuqarolari;
– Qolganlari Ozarbayjon, Jazoir, Angola, Benin, Gambiya, Gvineya, Zambiya, Hindiston, Kamerun, Kongo, Marokash va Syerra-Leone fuqarolari.

Barcha noqonuniy migrantlar Xorijiy fuqarolarni vaqtincha saqlash hibsxonasiga joylashtirildi. Ayni damda 32 kishi Rossiyadan chiqarib yuborilgan.

Noqonuniy migratsiyani tashkil etish bo‘yicha jinoiy ish qo‘zg‘atildi.