Apple 9-sentabr kuni yangi iPhone 16 va boshqa mahsulotlarni taqdim etadi

Amerikaning Apple korporatsiyasi kompaniyaning kuzgi taqdimoti 9-sentabr kuni Apple Parkdagi Stiv Jobs teatrida Toshkent vaqti bilan soat 22:00 da bo‘lib o‘tishini ma’lum qildi. Kompaniya yangi iPhone 16 va boshqa mahsulotlarni namoyish qilishi kutilmoqda.

Tadbir “It`s Glowtime” (“Time to Shine”) deb nomlanadi. Taqdimotda, Bloomberg ma’lumotlariga ko’ra, iPhone 16 va 16 Plus, shuningdek, iPhone 16 Pro va 16 Pro Max taqdim etiladi. Dastlabki ikkita versiyada asosiy o’zgarish orqa tomonda vertikal tekislangan kamera tizimi bo’ladi, Pro versiyalarida esa kattaroq ekranlar va yangi bronza rang mavjud.

Barcha yangi modellarda oldin iPhone 15 ning Pro versiyalari uchun eksklyuziv bo‘lgan Harakat tugmasi bo‘lishi mumkin. Fotosurat yoki video olish uchun yangi tugma bo‘lishi mumkin, ammo bu butun qatorda bo‘ladimi yoki shunchaki Pro-da bo‘ladimi, noma’lum.

Apple shuningdek, AI va Apple Intelligence xususiyatlariga ko’p e’tibor qaratmoqchi. Kompaniya yangi Apple Watch Series 10 aqlli soati va yangi AirPods’ning ikkita versiyasini e’lon qilishi mumkin.