Armaniston Rossiyaning “Mir” kartalariga qarshi sanksiyalarga qo‘shiladi

Mart oxirida Armanistonning deyarli barcha banklari Rossiyaning “Mir” tizimi kartalariga xizmat ko‘rsatishni to‘xtatadi.

“RBK” manbasi ma’lum qilishicha, shu yilning 30-martidan Armanistonda ko‘pchilik banklar bankomatlarida va POS-terminallarida “Mir” kartalari ishlashdan to‘xtaydi.

Faqat “VTB Armaniston” bundan mustasno, ammo ushbu bank rossiyalik relokantlar orasida mashhur emas.

Vashington fevral oxirida “Mir” tizimiga qarshi sanksiyalar kiritgan edi. Ushbu to‘lov tizimidan Xitoyning UnionPay to‘lov tizimi, shuningdek sobiq SSSR mamlakatlari — Qozog‘iston, Qirg‘iziston, O‘zbekiston va boshqalar voz kechgan.