London Kiyevga Britaniya quroli bilan Qrimga hujum qilish uchun ruxsat berdi

Buyuk Britaniya Ukraina qurolli kuchlariga uning qurol-yarog‘lari bilan Qrimga hujum qilish uchun ruxsat berdi. Bu haqda qirollik mudofaa vaziri Grant Shapps ma’lum qildi.

“Biz Ukraina hududida, shu jumladan, biz Ukrainaning ajralmas qismi deb hisoblaydigan Qrimda qurol-yarog‘ ishlatishga ruxsat berdik”, — dedi u Londondagi konferensiyada.

Uning so‘zlariga ko‘ra, Britaniya o‘z qurolining boshqa mamlakatlarda qo‘llanilishiga “xalqaro gumanitar huquqqa muvofiq tarzda” ruxsat beradi.