Buyuk Britaniya saylovlarga Rossiyaning ta’siridan xavfsiramoqda

Buyuk Britaniya bosh vazirining o‘rinbosari Oliver Daudenning  aytishicha, Rossiya Federatsiyasining bo‘lajak parlament saylovlariga ta’sir o‘tkazishga urinishlari haqidagi maqolalar “jiddiy xavotir tug‘dirmoqda”. Uning so‘zlaridan iqtibosni The Sunday Times nashri keltiradi.

Avvalroq, ABC mediakompaniyasi jurnalistlari Rossiya Nayjel Farajning o‘ng qanot populist Reform UK partiyasini qo‘llab-quvvatlash uchun ta’sir ko‘rsatish kampaniyasini olib borishi mumkinligini aniqlagan edi. Ular jami 190 ming obunachi bo‘lgan Fasebookning beshta sahifasini o‘rganib, vaqti-vaqti bilan bir xil suratlar va matnlarni tarqatib, taxminan bir vaqtning o‘zida chop etgan. Biroq, ABC ma’lumotlariga ko‘ra, ushbu sahifalar ma’murlarining aksariyati Nigeriyada.

Bir kun avval Buyuk Britaniyaning hukmron Konservativ partiyasi rahbari Richard Xolden parlament va ijroiya organlariga maktub yo‘llab, Rossiyaning Britaniya saylovlariga ehtimoliy ta’sirini tekshirishni talab qilgan edi.