Chad poytaxtida juda katta o‘q-dori ombori yonmoqda, qurbonlar va yaradorlar bor

Chad poytaxti Ndjamenada eng katta o‘q-dori omborxonasi yonmoqda, deb yozadi “Kommersant”. Afrika mamlakati prezidenti Maxamat Idriss Debi Itno ijtimoiy tarmoqlarda ma’lum qilishicha, jabrlanganlar va qurbonlar bor. Ularning soniga aniqlik kiritilmadi. AFP yozishicha, yong‘in natijasida o‘q-dorilar portlagan, oqibatda shu atrofda joylashgan uylarga zarar yetgan. Prezident holat yuzasidan surishtiruv boshlanishini ma’lum qildi.

AFP ma’lumotlariga ko‘ra, Guji tumanida joylashgan omborxonadagi yong‘in 18-iyun kuni kechqurun boshlangan. Mahalliy aholi so‘zlariga ko‘ra, yong‘in oqibatida ombor yaqinidagi uylarning tomlari uchib ketgan. Omborga yaqin hududda bir nechta uy, depo, aeroport va fransuz qo‘shinalri bazalari joylashgani aytilmoqda.