Tataristonga hujum qilgan dron haqida tafsilotlar paydo bo‘ldi

Tataristonga Ukrainaning UJ-22 Airborne uchuvchisiz uchar qurilmasi hujum qilgan. Bu haqda Rossiya OAVlari xabar bermoqda. Ushbu zarbdor majmua Ukrainaning Ukrjet kompaniyasi tomonidan ishlab chiqilgan.

Dron bortida 20 kg portlovchi modda tashiy oladi, qanotlari qulochi 4,6 metrga, parvoz masofasi esa 800 kilometrga teng. Ukraina Qurolli kuchlari arsenaliga 2020-yilda kiritilgan.

Eslatib o‘tamiz, Rossiya tarkibiga kiruvchi Tatariston respublikasining Yelabuga va Nijnekamsk shaharlaridagi korxonalarga dronlar hujum qildi.

So‘nggi ma’lumotlarga ko‘ra, olti kishi jabrlangan. Jiddiy vayronagarchiliklar bo‘lmagan.