Eronning oliy yetakchisi Ali Xomanaiy kuchaytirilgan qo‘riqchilar bilan xavfsiz joyga ko‘chirildi

Olingan ma’lumotlarga ko‘ra, Eronning yetakchisi oyatulloh Ali Xomanaiy “kuchaytirilgan qo‘riqchilar bilan xavfsiz joyga” ko‘chirildi. Ushbu qaror Bayrutda Hasan Nasrulloh yo‘q qilinganidan keyin qabul qilingan.

Reuters o‘z manbalariga tayangan holda xabar berishicha, Eronning oliy rahbari oyatulloh Ali Xomanaiy “maksimal xavfsiz bo‘lgan maxfiy boshpana”ga ko‘chirilgan.

Reuters suhbatdoshlariga ko‘ra, Eron keyingi harakatlarni belgilash uchun “Hizbulloh” va boshqa mintaqaviy proksi guruhlar bilan doimiy aloqada qolmoqda.