Agar Moldova mintaqaga o‘z qo‘shinlarini kiritsa, Gagauziya Rossiyaga murojaat qiladi

Moldova respublikasi tarkibidagi Gagauziya avtonom hududiy birligi rahbari Yevgeniya Gutsul ma’lum qilishicha, agar Gagauziya o‘z mustaqilligini e’lon qilganiga javoban, Moldova u yerga o‘z qo‘shinlarini kiritsa, hudud yordam so‘rab hammaga, shu jumladan, Rossiyaga murojaat qiladi. Bu haqda u “RIA Novosti”ga ma’lum qildi.

“Bungacha borib yetmaydi, deb umid qilaman. Hukumatimizning sog‘lom aqliga umid qilaman. Ammo agar shungacha borib yetsa, biz barcha mamlakatlarga, albatta Rossiya Federatsiyasiga ham murojaat qilamiz”, — dedi Gutsul.

Avvalroq siyosatchi Rossiya prezidenti Vladimir Putin o‘tgan oydagi uchrashuvda uni RF bu hududni doimo qo‘llab-quvvatlashiga ishontirganini aytgandi. Gutsulning so‘zlariga ko‘ra, Moldova qanchalik avtonomiyaga qarshi borishiga qaramay, Rossiya Gagauziyani iqtisodiy va ijtimoiy jihatdan qo‘llab-quvvatlaydi.

Shuningdek, u Rossiya prezidenti uchun uchrashishdan juda xursand bo‘lganini aytgan va bu uchrashuv so‘nggisi bo‘lmasligiga umid qilgan edi.

O‘tgan hafta Gutsul agar Moldova hukumati Ruminiya bilan birlashishga qaror qilsa, Gagauz avtonomiyasi Moldovadan ajralib chiqish jarayonini boshlashi haqida ogohlantirgan edi.