Germaniya IIV: GFRda Rossiya maxsus xizmatlarining faolligi qayd etildi

So‘nggi oylarda Germaniyada Rossiya maxsus xizmatlarining mamlakatda qo‘poruvchilik faoliyatini amalga oshiruvchi faolligi kuzatilmoqda. Bu haqda Germaniya Ichki ishlar vazirligi rahbari Nensi Fezer Handelsblatt gazetasiga bergan intervyusida ma’lum qilgan.

Fezerning ta’kidlashicha, Germaniya huquq-tartibot idoralari Moskva ko‘rsatmasi bo‘yicha uyushtirilgan portlovchi moddalar yordamida bir necha rejalashtirilgan hujumlarning oldini olishga muvaffaq bo‘lgan. Bu harakatlardan asosiy maqsad Germaniyaning Ukrainaga harbiy yordam ko‘rsatishiga yo‘l qo‘ymaslik. Uning ta’kidlashicha, mamlakat xavfsizlik xizmatlari Rossiya josusligi, sabotaj va kiberhujumlardan kelib chiqadigan tahdidlardan himoyalanish uchun katta resurslardan foydalanmoqda.

“Putin rejimining tobora tajovuzkor bo‘lib borayotganini ko‘ryapmiz”,- deydi Fezer, sa’y-harakatlarga qaramay, bir qator rus agentlari Germaniyadan chiqarib yuborilishi bilan Rossiya razvedka tuzilmalari zaiflashganini qo‘shimcha qildi.