Kreml yadro doktrinasi o‘zgarishining ma’nosini tushuntirdi

Rossiya prezidenti Vladimir Putin tomonidan taklif qilingan yadro doktrinasiga kiritilgan o‘zgartirishlar G‘arb uchun “aniq signal” sifatida qaralishi kerak, dedi Putinning matbuot kotibi Dmitriy Peskov.

“Bu davlatlarni, agar ular bizning mamlakatimizga yadroviy emas, balki turli vositalar bilan hujum qilishda ishtirok etsa, oqibatlaridan ogohlantiruvchi signaldir”, – deya qayd etadi u.

Peskov “butun dunyo Rossiyaning yadroviy salohiyatini yaxshi bilishiga” va “aqlli G‘arb siyosatchilari” Putin bayonotlarining jiddiyligini, ayniqsa “Ukraina atrofidagi mojaroda G‘arb davlatlarining bevosita ishtiroki, jumladan, yadroviy qurollar bilan bog‘liq bo‘lgan misli ko‘rilmagan qarama-qarshilik kontekstida” tushunishiga ishonch bildirdi.

25-sentyabr kuni Putin yadroviy to‘siq bo‘yicha davlat siyosati asoslarini yangilashni taklif qildi. U, xususan, “yadroviy davlat ko‘magida har qanday yadroviy bo‘lmagan davlat tomonidan Rossiyaga qarshi qilingan tajovuzni” yadroviy zarba berish uchun asos sifatida ko‘rib chiqishni taklif qildi.