Kursk oblastida UQK hujumi to‘xtatilgani haqidagi bayonotga qaramasdan yana bir shaharni evakuatsiya qilish taklif qilindi

Kursk oblasti gubernatorining maslahatchisi Roman Alyoxin chegaradagi Rilsk shahri aholisini “imkoniyat borida” o‘zlarini evakuatsiya qilishga chaqirdi.

“Sudja, Korenevo Glushkovo kabi oxirgi daqiqagacha kutmang. Sizning va yaqinlaringizning hayoti kuchukchaning hayotidan qimmatroq”, – deydi u.

Rilsk Ukraina bilan chegaradan 40 kilometr uzoqlikda joylashgan, unda 15 ming aholi istiqomat qiladi. Alyoxinning ta’kidlashicha, tinch aholi zudlik bilan shaharni xavfsiz tark etishi kerak.

“Ketish qarorini kechiktirish bilan siz nafaqat o‘zingizni, balki sizni evakuatsiya qilish uchun borgan odamlarning hayotini ham xavf ostiga qo‘yasiz”, – deya tushuntiradi u.

Bu orada Rossiya Mudofaa vazirligi Ukraina kuchlarining Kursk oblastidagi hujumi to‘xtatilganiga ishontirmoqda.

Xususan, bu haqda boshqarmaning Harbiy-siyosiy ishlar bosh boshqarmasi boshlig‘ining o‘rinbosari, Chechenistonning “Axmat” maxsus kuchlari qo‘mondoni, general-mayor Apti Alaudinov muntazam ravishda aytib kelmoqda. U 9 ​​avgust kuni Ukraina Qurolli kuchlarining mintaqadagi oldinga siljishi «to‘xtatilgani» haqida gapirgan va keyin yana kamida besh marta xuddi shu narsani takrorlagan.