Moskvada migrantlar uchun patent narxi oshiriladi

“Muhim masala — migrantlar soliqlar nuqtayi nazaridan fuqarolarimiz bilan taqqoslanadigan miqdorda pul to‘lashi lozim. Biz fuqarolarimizning oylik daromad solig‘i to‘lovlarini hisobga olamiz va buni ushbu toifa ishchilar bilan solishtiramiz”, — dedi Sobyanin.

“Bugungi kunda bizda patentlar uchun oylik 7,5 ming [rub] to‘lov bor, aslida bu daromad solig‘i bo‘yicha avans. 1-yanvardan boshlab u 8,9 ming rubl bo‘ladi”, — dedi Sobyanin.

Uning so‘zlariga ko‘ra, bu chora ish beruvchilarga migrantlar va Rossiya fuqarolari xarajatlarini tenglashtirish imkonini beradi.

Sobyaninning ta’kidlashicha, Moskvada berilgan mehnat patentlari sonining sezilarli o‘sishi kuzatilmagan, hozirda amalda — 450 mingga yaqin patent berilgan.