OAV: Putin Turkiyaga safari chog‘ida Rossiya qiruvchi samolyotlarining hamrohligini talab qilmoqda

Rossiya prezidenti Vladimir Putin Turkiyaga safari chog‘ida o‘z samolyotini Rossiya qiruvchi samolyotlari kuzatib borishini talab qildi, deb yozadi Middle East Eye nashri.

Manbalarga ko‘ra, Putin parvoz paytida uning samolyotiga Ukraina hujum qilishi ehtimolidan xavotirda. Rossiya Turkiyaga tashrif harbiy samolyotlar bilan himoya qilinishini istaydi. Shu sababli Rossiya prezidentining Anqaraga tashrifi qoldirilgandi.

Biroq, bu talabni bajarish qiyin, chunki Turkiyada NATOning havo hujumidan mudofaa tizimlari mavjud bo‘lib, ular rus qiruvchilarini dushman nishonlari sifatida qabul qilishlari mumkin. Muzokaralardan xabardor manbaning aniqlik kiritishicha, Turkiya Putinning tashrifi uchun havo hujumidan mudofaa tizimlarini o‘chirish yoki o‘zgartirishni rejalashtirmagan.

Oxirgi muhokamalar Rossiya prezidentining oktyabr oyining birinchi haftasida tashrif buyurishi ehtimolini oshirdi, biroq yangi talablar bu rivojini ehtimoldan yiroq qiladi. Putin Anqaraga oxirgi marta 2014-yilda tashrif buyurgan edi.

“Turkiya hukumati xayrixohlik belgisi sifatida chet el rahbarlarini kuzatib borish uchun qiruvchi samolyotlarini yuborishi mumkin. Biroq, xorijiy davlat rahbarlari o‘z qiruvchi samolyotlarini olib kelishni so‘ragan birorta holatni eslay olmayman”, – deya izoh berdi Middle East Eye suhbatdoshi.

Bundan tashqari, Rossiya rasmiylari mehmonxonalardan noroziligini bildirgan, chunki Anqaradagi uchta yirik mehmonxona Amerika kompaniyalariga tegishli. Nashr manbalariga ko‘ra, Rossiyadagi bunday mehmonxonalar Putin uchun xavfsiz hisoblanmaydi. Rossiya prezidentiga davlat mehmon uyi berish masalasi ham ko‘tarildi.