Olimpiada chempioni Imana Xelif yozuvchi J. K. Rouling va Ilon Maskni kiberbullingda aybladi

Jazoirlik bokschi Imana Xelif X ijtimoiy tarmog‘iga qarshi sudga murojaat qildi. Shikoyatda J. K. Rouling va Ilon Mask nomlari tilga olingan.

Variety nashrining yozishicha, da’vo Parij prokuraturasiga 2024 yilda Parijda bo‘lib o‘tadigan Olimpiada o‘yinlari chog‘ida “og‘irlashtirilgan kiber ta’qib qilish” ayblovi bilan berilgan.

Xelifning advokati Nabil Budi shikoyatda AQShning sobiq prezidenti Donald Trampning ham nomi borligini tasdiqladi. Da’vo Xelifning italiyalik Anjela Karini bilan jangidan so‘ng, Xalqaro Olimpiya qo‘mitasi tasdiqlaganiga qaramay, uning ayollar o‘rtasidagi musobaqada qatnashish huquqini shubha ostiga qo‘yganidan keyin, onlayn tazyiqlarga duch kelganiga taalluqli.

O‘zining transfobiya qarashlari bilan tanilgan Rouling X platformasida bir nechta postlar qo‘yib, Xelif “o‘zi boshiga urgan ayolning azobidan zavqlanayotganini” da’vo qilgan. Mask suzuvchi Rayli Geynsning “ayollar sportida erkaklarga o‘rin yo‘q” degan so‘zlarini qo‘llab-quvvatlagan.

Xelif, nafrat to‘lqiniga qaramay, 66 kg vazn toifasida oltin medalni qo‘lga kiritdi. G‘alabadan keyin o‘z bayonotida u “ayol ekanligini va ayol bo‘lib qolishini” ta’kidladi.

Agar prokurorlar ayblov qo‘yishga qaror qilishsa, unda ishtirok etganlar ikki yildan besh yilgacha qamoq jazosiga hukm qilinishi va katta miqdorda jarima to‘lashlari mumkin. Da’vo Fransiyada qo‘zg‘atilgan, ammo Budi sud jarayonlari chet eldagi shaxslarga ham ta’sir qilishi mumkinligini ta’kidladi.