Pentagon Ukrainaga 250 mln dollar miqdorida harbiy yordam paketini e’lon qildi

AQSh ma’muriyati juma kuni Ukrainaga 250 million dollar miqdorida navbatdagi harbiy yordam paketini e’lon qiladi, bu haqda mudofaa vaziri Lloyd Ostin Germaniyadagi Amerikaning Ramshtayn aviabazasidagi aloqa guruhi yig‘ilishida ma’lum qildi.

“AQSh prezidenti Bayden bugun Ukrainaga 250 million dollar miqdorida xavfsizlik bo‘yicha qo‘shimcha yordam paketi ajratilishini e’lon qiladi”, — dedi Pentagon rahbari.

Ostin yordam Kievning “o‘zgaruvchan ehtiyojlarini qondirish” imkonini berishiga  va u “harbiy tezlikda” yetkazilishiga umid qilmoqda. Vazirning so‘zlariga ko‘ra, guruh Ukrainani havo hujumidan mudofaa vositalari, qurol-yarog‘ va zirhli texnika bilan ta’minlashga qaratilgan.