Putin 3-sentyabrda rasmiy tashrif bilan Mo‘g‘ulistonga boradi

Kreml 3-sentyabr kuni Vladimir Putin Mo‘g‘uliston prezidentining taklifi bilan bu mamlakatga rasmiy tashrif bilan borishini e’lon qildi.

Agar bu rejalar o‘zgarmay qolsa (Kremlning rasmiy e’lonlaridan so‘ng ular kamdan-kam hollarda o‘zgaradi), bu 2023-yil martidan beri Putinning Gaagadagi Xalqaro jinoyat sudini tashkil etish to‘g‘risidagi Rim statutini imzolagan mamlakatga ilk tashrifi bo‘ladi. О‘shanda bu sud uning hibsga olinishi haqida order chiqargan edi.

XJS a’zo davlatlari rasman orderni bajarishga majbur; 2023 yilning keyingi davrida Putin uni BRIKS sammitiga taklif qilishganiga qaramay, Janubiy Afrika Respublikasiga bormagan edi. Xabar qilinishicha, bu haqda undan Janubiy Afrika prezidenti alohida iltimos qilgan edi. О‘shandan beri Putin tashrif buyurgan barcha mamlakatlar XJSni tan olmaydi, lekin Mo‘g‘uliston 2002-yilda unga a’zo bo‘lish jarayonini yakunlagan. U shuningdek, demokratik mamlakat sifatida nom qozongan.

Mo‘g‘uliston dengizga chiqish yo‘li bo‘lmagan va faqat Rossiya va Xitoy bilan chegaradosh bo‘lgan mamlakat bo‘lib, bu Putinni nazariy jihatdan hibsga olinishi va topshirilishi holatida uni Gaagaga yetkazish jarayonini qiyinlashtirgan bo‘lardi.