Putin armiya haqida soxta ma’lumot tarqatganlik uchun mol-mulkni musodara qilish to‘g‘risidagi qonunni imzoladi

Rossiya prezidenti Vladimir Putin armiya haqida soxta xabarlar tarqatganlik uchun mol-mulkni musodara qilish to‘g‘risidagi qonunni imzoladi, deb xabar beradi “TASS”.

Qonun “feyk” xabarlar tarqatganlik va ekstremistik faoliyatga ochiqchasiga da’vat qilganlik haqidagi moddalar bo‘yicha sudlanganlarning mol-mulkini musodara qilish imkoniyatini ko‘zda tutadi.

Bundan tashqari, qonunga muvofiq, dezertirlik, qo‘poruvchilik harakati va davlat sirini oshkor qilish uchun “foydalanilayotgan yoki ularni moliyalashtirish uchun mo‘ljallangan” pul va mol-mulk musodara etiladi.