Rossiyani qo‘llab-quvvatlagani uchun YeI Eronga qarshi sanksiyalarni yana bir yilga uzaytirdi

Yevropa Ittifoqi kengashi Eronga qarshi sanksiyalarni 2025-yil 27-iyulgacha uzaytirdi. Cheklovchi choralar, Yevropa Ittifoqida qayd etilganidek, Ukraina bilan mojaroda Rossiyaning qo‘llab-quvvatlanishi, shuningdek, Yaqin Sharq va Qizil dengiz mintaqasidagi nodavlat qurolli guruhlarni qurol-yarog‘ bilan ta’minlanishi bilan bog‘liq.

Endi sanktsiyalar 12 nafar jismoniy va 9 nafar yuridik shaxsga tegishli. Ularning orasida Islom inqilobi qo‘riqchilari korpusi harbiy-dengiz floti va dronlar ishlab chiqarishga ixtisoslashgan Eron kompaniyalari bor. Cheklovlarga duchor bo‘lgan shaxslarning aktivlari muzlatib qo‘yiladi va ularga har qanday mablag‘ yoki iqtisodiy resurslar taqdim etilishi taqiqlanadi. Bundan tashqari, ularga Yevropa Ittifoqiga kirish taqiqlangan.

YeI oxirgi marta may oyi oxirida Eronga qarshi sanksiyalar kengaytirilganini e’lon qilgan edi. Keyin, xususan, mamlakat Mudofaa vazirligi rahbari Muhammad Rizo Ashtianiy cheklovlarga duch keldi. Xuddi shu oyda Yevropa Ittifoqi kengashi cheklovlar mexanizmini yangiladi, bu nafaqat Eronning dron ishlab chiqaruvchilarini, balki raketalar ishlab chiqaruvchilarini ham sanktsiyalar ro‘yxatiga kiritish imkonini berdi.