Sudja rayoni rahbari UQK bostirib kirganida evakuatsiyaning yo‘qligini harbiylar “vahima yaratmaslik” haqida iltimos qilgani bilan izohladi

Sudja rayoni rahbari Ukraina Qurolli Kuchlari (UQK) hujumi paytida evakuatsiya bo‘lmaganini harbiylarning “vahima qo‘zg‘atmaslik” iltimosi bilan izohladi. Bu haqda Liberal-demokratik partiyadan Kursk oblastining Sudja rayoni yig‘ilishi deputati. Aleksandr Kramarenko Davlat Dumasi deputati Kaplan Paneshga murojaatida bildirdi. Murojaat “Sudja rodnaya” telegram-kanalida e’lon qilingan.

“Bogachyov A.M. o‘z himoyasiga aholi punktlari rahbarlari va deputatlarining maslahat yig‘ilishida  aholi evakuatsiya qilinmaganligini Sudja rayonidagi harbiy qo‘mondonlikka [mas’uliyatni] yukladi, go‘yoki shtabda ular uni aholi orasida vahima qo‘zg‘atmaslikka ko‘ndirishgan “, – deydi Kramarenko.

22 iyul kuni Aleksandr Kramarenko prokuraturadan Sudja rayoni rahbari Aleksandr Bogachyovning harakatsizligini tekshirishni so‘ragan. Deputat rasmiylar odamlarni o‘qqa tutayotgan harakatlar haqida xabardor qilmayotganidan, yangi boshpana o‘rnatmayotganidan va mavjudlarini yomon ta’minlayotganidan shikoyat qilgan.

UQKning Kursk oblastiga hujumi 6 avgust kuni boshlangan, Sudja aholisi rasmiylar evakuatsiyani amalga oshirmagani, odamlar otishmalar sababli o‘z mashinalarida chiqib ketishga majbur bo‘lganini aytishgan.