Tramp Putin bilan Rossiya Ukrainaning bosib olingan qaysi hududlarini saqlab qolishi mumkinligini muhokama qilmoqda

Ukraina bo‘yicha reja doirasida Tramp Putin bilan Rossiya bosib olingan hududlarning qaysi qismini saqlab qolishi mumkinligini muhokama qilmoqda, deb yozadi Politico. Nashr bu haqda Trampga aloqador ikki milliy xavfsizlik ekspertiga tayanib xabar beradi.

Politico ushbu muzokaralar qanday formatda va qaysi bosqichda o‘tayotgani, shuningdek, qaysi hududlar muhokama qilinayotgani haqida batafsil ma’lumot bermagan. Shu bilan birga, nashr manbalariga ko‘ra, Tramp Putin bilan shartnoma tuzish imkoniyatini ko‘rib chiqmoqda, unga ko‘ra davlatlar, xususan, Ukraina va Gruziya NATOga qo‘shilishi mumkin.

Ukraina prezidenti ofisining rahbari Andrey Yermak Trampning rejalarini izohlar ekan, Ukraina urushni tugatish uchun Rossiya bilan murosa qilishga va hech qanday hududdan voz kechishga tayyor emasligini aytdi.

Nashr Ukrainadagi mojaro hal etilishini Trampning NATOga nisbatan katta rejasining bir qismi deb atamoqda. Nashr suhbatdoshlarining ta’kidlashicha, Tramp rahbarligidagi AQSh  NATOdan butunlay chiqishi dargumon, ammo prezidentning kelajakdagi rejalari alyansning “ikki bosqichli tizimi”ga o‘tishni nazarda tutadi.

Politico manbalarining ta’kidlashicha, ushbu tizimga ko‘ra, YaIM xarajatlarining 2 foizini bajarmagan mamlakatlar “saxovatli mudofaa xarajatlari va AQSh xavfsizlik kafolatidan foydalana olmaydi”. Nashrning qayd etishicha, buni Shimoliy Atlantika shartnomasining alyans a’zolaridan biriga hujum qilingan taqdirda jamoaviy mudofaani kafolatlovchi 5-moddasi buzilishi deb hisoblash mumkin.

Zelenskiyning munosabati

“Agar u urushni qanday tugatishni bilsa, bu haqda bizga bugun aytib berishi kerak”, – dedi Ukraina prezidenti Bloomberg agentligiga bergan intervyusida.

“Agar Tramp bu urushni qanday tugatishni bilsa, u bizga bugun aytishi kerak. Agar bu Ukraina mustaqilligi uchun xavf tug‘dirsa, davlatchilikni yo‘qotib qo‘yish xavfi bo‘lsa, biz bunga tayyor bo‘lishni xohlaymiz, bilishimiz lozim”, — deya iqtibos keltiradi Zelenskiyning so‘zlaridan agentlik..

Zelenskiy, shuningdek, u  Tramp bilan uning takliflarini eshitish uchun uchrashishga “potentsial tayyor” ekanligini bildirdi, biroq amerikalik siyosatchining jamoasi Ukraina xalqining “hayotini rejalashtira olmasligini” ta’kidladi.

“Biz noyabr oyida [agar Tramp g‘alaba qozonsa) AQSh tomonidan kuchli yordamga ega bo‘lamizmi yoki butunlay yolg‘iz qolamizmi, tushunmoqchimiz”, — deya qo‘shimcha qildi Ukraina prezidenti.

Kreml Putin va Tramp Ukrainada tinchlikka erishish shartlari bo‘yicha muloqot o‘tkazayotganini inkor etmoqda.

“Bu unday emas”, – degan Rossiya prezidentining matbuot kotibi Dmitriy Peskov jurnalistlarga.