“Yandeks.Xaritalar” Rossiya harbiy aerodromlarining sun’iy yo‘ldoshdan olingan suratlarini xiralashtira boshladi

“Yandeks. Xaritalar” Rossiyaning turli hududlaridagi kamida o‘nta harbiy aerodromning sun’iy yo‘ldosh tasvirlarini xiralashtirgan, deb yozadi “Mediazona”. Ularning orasida Ryazandagi Dyagilevo aerodromi va Voronej oblastidagi Borisoglebsk aerodromi turli vaqtlarda dronlar hujumiga uchragan.

Bundan tashqari, fuqaro aviatsiyasi va Rossiya mudofaa vazirligi birgalikda foydalanayotgan ba’zi aeroportlarning sun’iy yo‘ldosh tasvirlari ham Yandex xaritalarida xiralashtirilgan.

Nashrning eslatishicha, Z-blogerlar avvalroq “Yandeks.Xaritalar” Rossiya harbiy obуektlarining sun’iy yo‘ldosh tasvirlarini yashirmasligidan shikoyat qilgandi.