Yuliya Navalnaya turmush o‘rtog‘ining xotirasiga bag‘ishlangan konsertdan tushgan foydani siyosiy mahbuslarga taqdim etdi

Rossiya koloniyasida vafot etgan muxolifatchi Aleksey Navalniyning bevasi siyosiy mahbuslarga 2,5 million rubl xayriya qildi, deya xabar beradi “Dojd” telekanali. Bularning barchasi siyosatchining tug‘ilgan kunida – 4 iyunda Berlinda Navalniy xotirasiga bag‘ishlangan kontsertdan olingan daromaddir.

Xayriya 12-iyun, Rossiya kunida bo‘lib o‘tgan mustaqil ommaviy axborot vositalari va muxolifat vakillari tomonidan tashkil etilgan “Sen yolg‘iz emassan” marafoni doirasida amalga oshirildi.

Mablag‘lar siyosiy mahbuslar va ularning oilalarini qonuniy va maqsadli qo‘llab-quvvatlashga: advokatlar uchun to‘lov, oziq-ovqat, dori-darmonlarga sarflanadi. “Hukumat tomonidan ta’qiblar tufayli Rossiyani tark etishga majbur bo‘lganlarga ham yordam ko‘rsatiladi”, – deya ta’kidladi tashkilotchilar.