Zelenskiy: Men Trampga Ukrainada yadro quroli bo‘ladi, yoki u NATOga a’zo bo‘ladi, dedim

Ukraina prezidenti Vladimir Zelenskiy AQSh prezidentligiga nomzod Donald Tramp bilan suhbatda Ukrainani himoya qilish uchun NATO a’zoligiga muhtoj ekanini va Budapesht shartnomasi kafolatlari ishlamayotganini ta’kidlagan. Bu haqda u Yevropa kengashi yig‘ilishi yakunlari bo‘yicha o‘tkazilgan matbuot anjumanida aytib o‘tdi, deb yozadi “Gromadske”.

Zelenskiyning so‘zlariga ko‘ra, u Tramp bilan Ukrainaning NATOga a’zoligi masalasini muhokama qilgan va Budapesht memorandumiga ko‘ra, yadroviy quroldan voz kechish evaziga Ukrainaga hududiy yaxlitlik va suverenitetni himoya qilish va’da qilinganini ta’kidlagan. Lekin Rossiya bilan bu hujjat va boshqa kelishuvlar ishlamaydi.

“Ushbu yirik davlatlardan, yadroviy davlatlardan qaysi biri zarar ko‘rdi? Hammasimi? Yo‘q, faqat Ukraina. Yadro qurolini kim berdi? Hammami? Yo‘q, faqat Ukraina. Bugun kim jang qilyapti? Ukraina. Shuning uchun bizda shunday. Donald Tramp bilan suhbatda men unga: “Yechim qanday? Ukraina yo yadro quroliga ega bo‘ladi – bu biz uchun himoya – yo bizda qandaydir ittifoqqa a’zo bo‘lishimiz kerak”. Bugun biz NATOdan tashqari hech qanday samarali ittifoqlarni bilmaymiz”, — dedi Zelenskiy.

Ukraina prezidentining so‘zlariga ko‘ra, Ukraina yadro qurolini emas, NATOni tanlaydi.

“Shuning uchun biz yadro qurolini emas, NATOni tanlaymiz. Bu ishda Donald Tramp meni eshitganiga ishonaman. U: “Sizda adolatli dalillar bor”, deb aytdi, – dedi Zelenskiy.