Zelenskiyda urushda g‘olib chiqish rejasi bor, Kursk hujumi ushbu reja bandlaridan biri

Ukraina prezidenti Vladimir Zelenskiy Kiyevning Rossiya bilan urushni tugatish rejasi borligini, bu reja AQSh prezidentligiga Demokratik va Respublikachilar partiyalaridan nomzodlar Kamala Xarris va Donald Trampga o‘tkazilishini ma’lum qildi.

Ushbu rejaning asosiy nuqtalaridan biri Ukraina qurolli kuchlarining (UQK) Kursk oblastidagi hujumidir. Bu haqda “Ukraina 2024. Nezavisimost” forumi doirasidagi matbuot anjumanida aytildi.

Ukraina qurolli kuchlarining Kursk oblastidagi hujumi Qatarda Ukraina energetika sektoriga hujumlarni to‘xtatish bo‘yicha muzokaralarni to‘xtatib qo‘ydimi, degan savolga Zelenskiy muzokaralar onlayn tarzda o‘tganini aytdi.

Uning aniqlik kiritishicha, Kursk oblastidagi operatsiya tinchlik formulasi bilan bog‘liq emas. Biroq, bu “Ukrainaning g‘alaba rejasi” ning bir qismidir.

Zelenskiy Kursk oblastidagi operatsiya urushni tugatish jarayonidagi muhim bosqich ekanligini ta’kidlab, rejada Rossiyani urushni diplomatik yo‘l bilan tugatishga majbur qilishga qaratilgan diplomatik va iqtisodiy qadamlar ham borligini ta’kidladi.