Хитой Хуанхэ дарёсининг жанубий қирғоғида қуёш электр станцияларини ишга туширмоқда

Хитойнинг Ордос округидаги Кубучи чўлининг шимолий чеккасида умумий қуввати 5,42 гигаватт ва 13340 гектардан ортиқ майдонга эга қуёш станцияси қурилди.

Қурилиш ҳали тугалланмаган, бироқ тугаллангач, Ички Мўғулистондаги қуёш электр станциялари занжири дунёдаги энг йирик ана шундай иншоот бўлиши аниқ.

Лойиҳа норасмий «Буюк қуёш девори» номини олди.

Унинг ўзига хослиги шундаки, «Буюк қуёш девори» нафақат қуёш энергиясини ишлаб чиқариш, балки Сариқ дарёни қумдан ҳимоя қилиш ва чўлланишга қарши курашиш учун мўлжалланган.

Қуёш панелларининг сояси сувнинг буғланишини камайтиради, бу эса станция ҳудудини қишлоқ хўжаликлари экинлари ва чорва молларига дашт ўтларини етиштириш учун қулай қилади.

“Буюк Қуёш девори”нинг режалаштирилган узунлиги 400 километр, кенглиги 5 километрни ташкил қилади.