Кечки Анҳор: 28 август янгиликлари

Хоразм вилоятида боғча боласи бўёқ учун суюлтиргични ичиб қўйган. Соғлиқни сақлаш вазирлигининг маълумотларига кўра бу боланинг эҳтиётсизлиги туфайли содир бўлган. Бола туман тиббий бирлашмаси бўлимига олиб келинган, бу ернинг унинг ошқозони ювилган.
 
Давлат экология қўмитасида МДХМИ филиали ёнидаги дарахтлар нега кесилганига изоҳ беришди. Қўмита вакилларининг сўзларига кўра, дарахтлар 110 вВ кучланишли электр узатиш симлари остида бўлиб “йўл қўйиб бўлмайдиган баландликкача ўсган” ва бу билан электр тармоғидан фойдаланишни таҳдид остига қўйган. Қўмитадагилар қанча арча кесилганига аниқлик киритишмади.

Тошкент шаҳрида қурилаётган Riviera савдо-кўнгилочар марказида металл конструкция қулаши натижасида тўрт нафар ишчи ҳалок бўлган. Иккита қурувчи жароҳатланган бўлиб, бирининг ҳолати ўртача оғирликда, унга ўнг товон суягининг синиши деган ташҳис қўйилган. Иккинчи қурувчи эса бир-бирига боғлиқ жароҳатларни олган, чап елкаси синган.
 
Тошкент йўл-транспорт ҳодисаси содир бўлди: она ва бола касалхонага ётқизилган. Маълум бўлишича, Matiz русумли автомобиль ҳайдовчиси светофор сигналига эътибор бермаган ва йўналиш таксиси билан тўқнашган, бунинг натижасида йўналишда қатнайдиган транспорт ағдарилган. Терговгача текширув ишлари олиб борилмоқда.