Ўзбекистон фуқароси Подмосковьеда тўққиз ёшли болани гаровга олди

Келиб чиқиши тошкентлик бўлган фуқаро Нахабинода тўққиз ёшли болани гаровга олиб, ушлаб турган. Айни пайтда у қўлга олинди.

“Россия сегодня” тарқатган маълумотга кўра, болани гаровга олган ўзбекистонлик фуқаро РФда қонуний асосда яшаган.

Маълумотларга қараганда, эркак пенсионер аёлнинг уйига кириб олган ва у ерда аёлнинг кичик ёшли невараси билан қамалиб олган. Қизчани ҳужум натижасида озод этишга муваффақ бўлган. Дастлабки маълумотларга кўра, бола жабрланмаган. Қонунбузар ярадор бўлган ва касалхонага ётқизилган. У 1992 йилда туғилган тошкентлик фуқаро бўлиб чиқди.

Федерал миграция хизмати ушбу чет эл фуқароси РФ ҳудудида қонуний тарзда бўлганини тасдиқлади.

Фотосурат: “Россия сегодня”