Бухоро вилояти Соғлиқни сақлаш бошқармаси ижтимоий тармоқларда тарқалган фотосуратларга изоҳ берди, уларда вилоят юқумли касалликлар шифохонасининг эски биноси акс этган. Аввалроқ фотосуратлар Bukhara Info Телеграм-каналида чоп этилганди. Хабарда қайд этилишича, ушбу бинода коронавирусга чалинган беморлар қабул қилинар экан.


 
Бошқарма берган маълумотларга кўра, фотосуратларда Бухоро вилоят юқумли касалликлар шифохонасининг энг эски биноси акс этган бўлиб, у 1984 йилда қурилган.

 

«Бу ерда коронавирус инфекциясига чалинган беморлар қабул қилинади, чунки уларни бошқа беморлардан изоляциялаш осон. Бино эски бўлишига қарамасдан, палаталарда COVID-19  га чалинган беморлар учун талабларга мувофиқ барча шароитлар яратилган», - дейилади хабарда. 

Бинони капитал таъмирлаш ишлари 2021 йил май ойига режалаштирилган.
 
Шунингдек бошқармада Бухоро вилоят юқумли касалликлар шифохонаси қандай реконструкция қилинаётганини ҳам кўрсатишган.


 
Фотосурат: Bukhara Info, Бухоро вилоят Соғлиқни сақлаш бошқармаси