Инвесторларга осма йўл қурилиши харажатлари қопланади

Инвесторларга осма йўл қурилиши харажатлари қопланади

19 июнь куни Ўзбекистон Президенти инвесторлар томонидан йўловчи ташувчи янги дор йўлларини тегишли хавфсизлик даражасини таъминлаган ҳолда қуриш ва жиҳозлаш учун йўналтирилган харажатларининг бир қисмини қоплашни кўзда тутувчи фармонни имзолади. Бу ҳақда Давлат туризм қўмитасининг матбуот хизмати хабар беради.

Харажатлар ҳар бир 500 метр йўл учун Ўзбекистон Республикаси давлат бюджетидан Туризмни ривожлантириш давлат қўмитаси ҳузуридаги бюджетдан ташқари Туризм соҳасини қўллаб-қувватлаш жамғармасига ажратиладиган маблағлар ҳисобидан 1 миллиард сўм миқдорида қопланади. Мазкур имтиёз бўйича йўловчи ташувчи янги дор йўлларини қуриш ва жиҳозлаш бўйича дастлабки 50 та лойиҳага харажатларининг бир қисми қоплаб берилиши белгиланган. 2020 йил 1 августдан бошлаб кучга кирадиган топшириқда “Чорвоқ” махсус туризм зонаси ҳудудида ташкил этилаётган йўловчи ташувчи дор йўллари инобатга олинмаган. 

If you have found a spelling error, please, notify us by selecting that text and pressing Ctrl+Enter.