Қирғизистон Сирдарё вилоятидаги жабрланганларга ёрдам юборди

Қирғизистон ҳукумати Ўзбекистон аҳолисига инсонпарварлик ёрдамини кўрсатди, дея хабар беради Қирғизистон Вазирлар Маҳкамасининг матбуот хизмати.

Ёрдам 1 май куни Сардоба сув омборида дамба ўпирилиши натижасида жабрланган фуқароларга йўналтирилди.
 
Бош вазир Мухаммедкалий Абилгазиевнинг қарорига кўра Ўзбекистонга 1000 тонна цемент, 100 тонна гуруч ва 10 тонна ўсимлик ёғи жўнатилган.