Тез ёрдам ходимларига рағбатлантирувчи устамалар тўланади

Кучайтирилган тартиб даврида ҳар ой якунига қадар барча тез тиббий ёрдам бригадаларида ишловчи ходимларнинг лавозим маошига 6 фоиз миқдорида ҳар кунлик қўшимча тўловлар ўрнига қуйидаги миқдорларда қўшимча моддий рағбатлантириш тўловлари белгиланади:
 
•  врач ходимларга – 2,5 млн сўм;
•  ўрта тиббиёт ходимларига – 1,5 млн сўм;
•  ҳайдовчиларга – 1,0 млн сўм.
 
Нормативга қўшимча равишда кечаю-кундуз навбатчилик қиладиган 1 нафар тиббиёт ходими ва 1 нафар ҳайдовчидан иборат ихчамлаштирилган мобил тез тиббий ёрдам бригадалари ташкил этилади. Бу ҳақда “Коронавирус инфекциясига қарши кураш даврида аҳолини тез тиббий ёрдам хизмати билан кенг қамраб олиш чора-тадбирлари тўғрисида”ги ҳукумат қарорида сўз боради.  

Бизни Facebook саҳифамизда кузатиб боринг.