1 майдан бошлаб автомобилларга газ тўлдириш станцияларига видеокамералар ўрнатилади

2023 йил 1 майдан бошлаб автомобилга газ тўлдириш компрессор станциялари (АГТКС) ва автомобилга газ тўлдириш станцияларида электрон ўлчов асбобларини онлайнвидеокамераларни ўрнатиш мажбурий қилиб қўйилади, улар солиқ органларининг тизимлари билан интеграциялаштирилган бўлиши керак. Бу ҳақда Ўзбекистон президентининг 10 февралдаги фармонида сўз боради, деб ёзади “Газета” нашри.

Худди шу санадан бошлаб пахта хомашёси, ғалла ёки шолини қабул қилиш ва ҳисобга олиш бўйича операторлар ўз тизимларини солиқ органларининг ахборот тизими билан интеграциялашлари шарт.

Қарорда, шунингдек, тўлов ташкилотлари жисмоний шахслар ўртасида пул ўтказмаларини (p2p-ўтказмалари) амалга ошираётганда хизмат учун электрон ҳисобварақ-фактураларни расмийлаштириши ва тақдим этиши шарт.

Ҳужжатда QR-кодли чекни сканерлашда 1% кэшбек тўлаш тизимига ўзгартиришлар киритилмоқда. Ҳозир бу тартиб автомобилларни харид қилиш, ҳаво ва темир йўл чипталари, коммунал тўловлар ва алоқа воситаларини сотиб олиш учун квитанцияларга тааллуқли эмас. Якка тартибдаги тадбиркорларнинг чеклари энди истиснолар рўйхатига қўшилди.

Аввалроқ газ ўғирлаш Ўзбекистонда кўп йиллардан буён долзарб бўлиб келаётган муаммолардан бири экани, ушбу муаммони ҳал этишнинг яққол имкониятларидан бири ҳисоблагичларнинг интеллектуал тизимларини жорий этиш, шаффофлик ва ойлик очиқ маълумотларни эълон қилиш эканлиги ҳақида ва бу  маълум бир одамлар доирасининг манфаатларига мос келмаслигини ва ушбу муаммони ҳал қилишга имкон беришини ёзгандик.