1 туп дарахт кесган фуқаро 9 миллиондан зиётроқ товон тўлайдиган бўлди
Самарқанд вилояти Экология, атроф-муҳитни муҳофаза қилиш ва иқлим ўзгариши бошқармаси Пахтачи туман бўлими томонидан навбатдаги назорат рейд тадбирлари ўтказилди.
Рейд давомида туманнинг Тинчлик маҳалласида истиқомат қилувчи фуқаро М.Р. томонидан маҳалла ҳудудидаги бир туп терак дарахти ўзбошимчалик билан кесиб ташлангани аниқланди.
Мазкур ҳолат юзасидан фуқарога нисбатан Ўзбекистон Республикаси МЖТКнинг 79-моддаси 1-қисмига мувофиқ маъмурий баённома расмийлаштирилди. Ҳуқуқбузар базавий ҳисоблаш миқдорининг 25 баравари — 8 млн 500 минг сўм миқдорида жаримага тортилди. М.Р. жарима билан бирга ўсимлик дунёсига етказилган зарарни ҳам (680 минг сўм) тўлайдиган бўлди.
Маълумот учун, республикамизда давлат ўрмон фондига кирмайдиган дарахт ва буталарнинг кесилишига қарши мораторий жорий этилган бўлиб, дарахтларни тегишли рухсатларсиз кесиш қатъиян ман этилади. Бу каби ҳуқуқбузарликлар қонунда белгиланган тартибда жавобгарликка сабаб бўлади.
If you have found a spelling error, please, notify us by selecting that text and pressing Ctrl+Enter.
Тавсиялар
Франция Украинага Россия ҳудудига SCALP ракеталари билан зарба беришга рухсат берганини тасдиқлади
Reuters: Украина Курск областида УҚК назорат қилган ҳудуднинг 40% дан ортиғини йўқотди
Украина Энергетика вазирлиги: Жорий ҳафтада ҳужумлар сабабли ЗАЭС икки марта “блэкаут” чегарасида қолди
АҚШ армиясининг собиқ офицери ва Россия тарғиботчиси Скотт Бенетт вафот этди
ДХХ раиси ўзгарди
USD
EUR
RUB
Шарҳлар